ரஞ்சிதா நடிகர் சங்க உறுப்பினரே இல்லையாம்!

நடிகை ரஞ்சிதா தென்னிந்திய நடிகர் சங்கத்தில் உறுப்பினரே இல்லை என்று நடிகர் சங்கத்தின் தலைவர் சரத்குமார் கூறியிருக்கிறார். நடிகை ரஞ்சிதா, பிரபல சாமியார் நித்தியானந்தாவுடன் உல்லாசமாக இருந்த சி.டி., வெளியாகி நாடு முழுவதும் பரபரப்பை ஏற்படுத்தியது. அந்த வீடியோவில் சாமியாருடன் ரொம்பவே நெருக்கமாக இருந்த ரஞ்சிதா இப்போது எங்கே இருக்கிறார் என்பது தெரியவில்லை. இந்த விவகாரம் குறித்து போலீசார் தீவிரமாக விசாரித்து வரும் நிலையில், சர்ச்சையில் ஒரு நடிகை சிக்கியிருப்பதால், நடிகர் சங்கம் என்ன செய்யப்போகிறது என்ற கேள்வி எழுந்து வருகிறது.

நடிகைகள் எல்லோரும் உத்தமிகள் என்பதுபோல பேசி வந்த நடிகர்கள் எல்லாம் இந்த விவகாரம் குறித்து வாய் திறக்க மறுக்கிறார்கள். நடிகை புவனேஸ்வரி விபச்சார வழக்கில் கைது செய்யப்பட்டபோது, செய்தி வெளியிட்ட பத்திரிகையாளர்களை அச்சில் ஏற்ற முடியாத வார்த்தைகளால் திட்டித்தீர்த்த நடிகர்கள் ரஞ்சிதா விவகாரம் பற்றி எங்கே நம்மிடம் நிருபர்கள்‌ கேட்டு விடுவார்களோ என அஞ்சி நிருபர்களை சந்திப்பதையே தவிர்த்து வருகிறார்கள்.

சத்யராஜ், சுந்தர் சி இணைந்து நடித்திருக்கும் குரு சிஷ்யன் படத்தின் பிரஸ் மீட்டிற்கு சத்யராஜ் வருவார் என தெரிவிக்கப்பட்டிருந்தது. நிருபர்களும், சத்யராஜிடம் ரஞ்சிதா விவகாரம் பற்றி கேட்க வேண்டும் என்று ஆவலுடன் காத்திருந்தனர். ஆனால் சத்யராஜ் அந்த மீட்டிங்கிற்கு வரவே இல்லை. இதேபோல பத்திரிகையாளர்களை ஈனப்பிறவி என்றும், நடிகைகளை பாதுகாப்பதற்கு சட்டப்பூர்வ நடவடிக்கை எடுக்க வேண்டும் என்று பேசிய சூர்யாவும், ரஞ்சிதா விவகாரத்தில் இன்னமும் வாய் திறக்கவில்லை.

நடிகர் சங்கம், சாமியாருடன் உல்லாசமாக இருந்து மாட்டிக் கொண்ட நடிகை ரஞ்சிதாவை காக்க சட்ட நடவடிக்கை எடுக்குமா? அல்லது அவரை நடிகர் சங்கத்தில் இருந்து நீக்குமா? என்ற கேள்வி எழுந்துள்ள நிலையில் நடிகர் சங்க தலைவர் சரத்குமாரிடம் ரஞ்சிதா விவகாரம் குறித்து கேட்கப்பட்டது. "அவர் நடிகர் சங்கத்தில் உறுப்பினரே இல்லை. அப்படியிருக்கும் போது அவரை எப்படி நாங்கள் நீக்க முடியும்?" என்று கூறியிருக்கிறார் சரத்குமார்.

நடிகை ரஞ்சிதா 1992ம் ஆண்டு வெளியான நாடோடி தென்றல் படம் மூலம் தமிழ் திரையுலகிற்கு அறிமுகம் ஆனார். அதன் பிறகு கிழக்கு வீதி, பேண்டு மாஸ்டர், மதுரை மீனாட்சி, கேப்டன், அதர்மம், என் ஆசை மச்சான், ஜெய்ஹிந்த், வீட்டை பாரு நாட்டை பாரு, அமைதி படை, தோழர் பாண்டியன், பெரிய மருது, அத்தை மகள் ரத்தினமே, தொட்டில் குழந்தை, கருப்பு நிலா, தமிழச்சி, கர்ணா, சின்ன வாத்தியார், சீதனம், பாட்டு வாத்தியார், மக்கள் ஆட்சி, முஸ்தபா, புருஷன் பொண்டாட்டி, பகைவன், நிலவே உனக்காக, உரிம‌ை போர், நாக தேவி, தாஜ் மஹால், மையம், ஆஹா எத்தனை அழகு, சாசனம், அமிர்தம், மாய கண்ணாடி, ஓடும் மேகங்களே, பொம்மலாட்டம், அழகர் மலை உள்ளிட்ட ஏராளமான தமிழ் படங்களில் நடித்திருக்கிறார் என்பது குறிப்பிடத்தக்கது. இவை தவிர மலையாளம் மற்றும் தெலுங்கு படங்களிலும் நடித்துள்ள ரஞ்சிதா, கிருஷ்ணவம்சி, ரோஜா, தெக்கத்தி பொண்ணு ஆகிய டி.வி. தொடர்களிலும் நடித்திருக்கிறார்.

Tags: Actress Ranjitha, Nithyanantha, not a Member, Nadigar sangam, Sarathkumar, நடிகர் சங்கம், உறுப்பினர் இல்லை, ரஞ்சிதா, நித்தியானந்தா,